التفاحة والجمجمة

( التفاحة والجمجمة / محمد عفيفي ) 

 

رواية التفاحة والجمجمة بتتكلم عن مجموعة من الناس عددهم خمسة هم بالظبط عدد اللي نجوا من غرق سفينة في وسط البحر ولجأوا لجزيرة
كل احداث الكتاب بتدور في الجزيرة دي
الخمسة هم
زيزا << ممثلة فاتنة ودمها خفيف جداً وهي الي أنقذت المهندس احمد ، وهي سبب الصراع بين الأربعة الرجالة

المهندس احمد << مهندس سفن والمفارقة انه ما بيعرفش السباحة كان اول اللي وصلوا للجزيرة هو وزيزا

توتو << شاب ضخم وعضلات وكده ما بيتكلمش عربي ولا انجليزي ولا فرنساوي وزيزا هي اللس سمته توتو كان مصاحب ليها ف السفينة وكان تالت واحد يوصل للجزيرة وهو الوحيد اللي كان بيعرف يصطاد لهم سمك من البحر بخنجر

الحاج طلبة << تاجر غني ، بيقول متدين وعارف ربنا .. حاول - ونجح فعلاً - في انه يسيطر ع الجزيرة ويعمل الزعيم مستغل المسدس اللي معاه وكرشة الصبي بتاعه اللي ينطبق عليه مثل اجسام البغال وعقول العصافير

كرشة << الخادم المطيع للحاج طلبة ، سر طاعته ليه انه بيعتبره صاحب فضل عليه لأنه هو اللي رباه ولمه من الشارع

الصراع طول الرواية على (( مين فيهم ينال اعجاب زازا ، وماهو اكثر من الاعجاب كمان ))

وبنشوف ازاي كل حد فيهم بيكون طيب ورقيق لما يكون في موقف ضعف وييبقى شرس لما يمتلك السلاح
وكمان ازاي فقدان الأمل في النجاه بيخلي التخلي عن الفلوس سهل اوي
و ازاي الذل والاهانة بتحول الانسان الطيب لوحش كاسر

معاني كتير واحداث رغم انها لو بصينا لها من وجهة نظر تانية نحس انها مآساوية لكن اسلوب محمد عفيفي الرائع قدر يضحكك في عز الألم

اغلب الشخصيات تقريباً كنت متوقعة تصرفاتها ماعدا زيزا والمهندس احمد

واحمد دا بجد اللي شخصيته حيرتني جداً ماعرفش هو جبان ولا ذكي هو شهم و لا ندل هو انسان ولا همجي ولا ولا ولا
اسئلة كتير ماقدرتش اعرف لها اجابة لحد دلوقتي عن شخصية أحمد
  

   الكتاب فيه مفاجآت كتير جداً بردو خاصة في النهاية